Ya İlahi Ger Sual Etsen Bana
Yâ ilâhî ger su'âl itsen bana
Bu durur anda cevâbum uş sana
Ben bana zulm eyledüm itdüm günâh
N'eyledüm n'itdüm sana iy pâdişâh
Gelmedin didün hakuma kem diyü
Togmadın didün âsî Âdem diyü
Sen ezelde beni âsî yazasın
Toldurasın âleme âvâzesin
Her ne dilersen hakumda işledün
Ne tuşa durdumısa sen tuşladun
Ben mi düzdüm beni sen düzdün beni
Pür ayıb niçün yaratdun yâ Ganî
Gözüm açup gördügüm zindân içi
Nefs ü hevâ pür-tolu şeytân içi
Habs içinde ölmeyeyin diyü aç
Mismil ü murdâr yidüm bir iki kaç
Nesne mi eksildi mülkünden senün
Yâ sözüm geçdi mi hükmünden senün
Rızkun alup seni muhtâc mı kodum
Yâ öyünün yiyüben aç mı kodum
Kıl gibi köpri yaparsın geç diyü
Geçüben kevser şarâbın iç diyü
Kıl gibi Sırât'dan Âdem mi geçer
Yâ üzilür yâ tayanur ya uçar
Yine fazlundur kulunı geçüren
Geçüben kevser şarâbın içüren
Kullarun köpri yaparlar hayr içün
Hayrı oldur kim geçerler seyr içün
Pes gerek kim anda muhkem ola ol
Kim görenler diyeler uş togrı yol
Terezü kurdun günâhum tartmaga
Kasd idersin beni oda atmaga
Terâzû ana gerek bakkâl ola
Ya bazirgân tâcir ü attâr ola
Çün günâh murdârlarun murdârıdur
Hazretünde yaramazlar kârıdur
Pes niçün murdârı açup tartasın
Sen gerek lutfıla anı örtesin
Şimdi dirsin seni oda urayım
Şerri bir denk artugısa göreyim
Şerri azatmak gerekdür hayrı çok
Hayrı olmayanlar oldı anda yok
Sen basîrsin hod bilürsin hâlümi
Pes ne hâcet tartasın amâlümi
Haşâli'l-lâh senden iy Rabbü'l-enâm
Sen temâşâ kılasın ben hoş yanam
Geçmedi mi intikâmun öldürüp
Çüridüp gözüme toprak toldurup
Bir avuç topraga bunca kıyl u kâl
Neye gerek iy Kerîm-i Zü'l-Celâl
Kara kıldan çün ki agardı ak kıl
Bu cihân sevdâların elden kogıl
Çün Yûnus'dan gelmedi hergiz ziyân
Sen bilürsin âşikâre vü nihân
Olmasun bizden sana ayruk cevâb
Söz budur va'llahü alem bi's-sevâb
~ Yunus Emre
(Günümüze aktarımı)
Ya İlahi ger sual etsen bana,
Anında veririm cevabım sana.
Ben bana zulmeyledim ettim günah,
N'eyledim n'ettim sana ey padişah?
Gelmeden dedin hakıma kem diye,
Doğmadan dedin asa Adem diye.
Sen ezelde beni asi yazasın,
Doldurasın aleme avazesin.
Her ne dilersen hakkımda işledin,
Ne tuşa durdum ise sen tuşladın.
Ben mi düzdüm beni, sen düzdün beni,
Pür ayıp niçin yarattın ya Gani.
Gözüm açıp gördüğüm zindan içi,
Nefs ve heva pür dolu şeytan içi.
Haps içinde ölmeyeyim diye aç,
Mismil ve murdar yedim bir iki kaç.
Nesne eksildi mi mülkünden senin,
Geçti mi hükmüm ya hükmünden senin.
Rızkın alıp seni muhtaç mı kodum?
Ya öğünün yiyerek aç mı kodum?
Kıl gibi köprü yaparsın geç diye,
Geçerken kevser şarabın iç diye.
Kıl gibi Sırat'dan Adem mi geçer?
Ya üzülür, ya dayanır, ya uçar.
Yine fazlındır kulunu geçiren,
Geçerken kevser şarabın içiren.
Kulların köprü yaparlar hayr için,
Hayrı oldur ki geçeler seyr için.
Pes gerek ki orda sağlam ola ol,
Kim görürse desin işte doğru yol.
Terazi kurdun günahım tartmaya,
Kastedersin beni oda atmaya.
Terazi ona gerek bakkal ola,
Ya bezirgan tacir ya aktar ola.
Her günah murdarların murdarıdır,
Hazretinde yaramazlar karıdır.
Pes niçin murdarı açıp tartasın,
Sen gerek lütfunla onu örtesin.
Şimdi dersin seni oda vurayım,
Şerri bir denk arttı ise göreyim.
Şerri azaltmak gerektir hayrı çok,
Hayrı olmayanlar oldu orda yok.
Sen Basir'sin hod bilirsin halimi,
Pes ne hacet tartasın amelimi.
Haşalillah senden ey Rabbülenam,
Sen temaşa kılasın ben hoş yanam.
Geçmedi mi intikamın öldürüp,
Çürütüp gözüme toprak toldurup.
Bir avuç toprağa bunca kilükal,
Neye gerek ey Kerimi Zülcelal.
Kara kıldan çünkü ağardı ak kıl,
Bu cihan sevdaların elden kogıl.
Çün Yunus'tan gelmedi hergiz ziyan,
Sen bilirsin aşikare ve nihan.
Olmasın bizden sana ayrık cevap,
Söz budur vallahi alem bissevap.