@twitter-𝕏
Türk Bitig

Keling yığlıng zâkir kullar zikr aytaylık

< Keling dos... | Tarikatga ... >

HİKMET-108

  1. Keling yığlıng zâkir kullar zikr aytaylık
    Gelin toplanın zâkir kullar, zikr söyleyelim;
  2. Zâkirlerni Hudâ bişek süyer ermiş
    Zâkirleri Allah şüphesiz sever imiş.
  3. Işksızlarnı imânı yok ey yârânlar
    Aşksızların imanı yok ey arkadaşlar;
  4. Duzah içre tınmay dâim küyer ermiş
    Cehennem içinde dinmeden devamlı yanar imiş.

  5. Muhabbetliğ âşıklarnı Hudâ süydi
    Muhabbetli âşıkları Allah sevdi;
  6. Anıng üçün dünyâ ukbin talak koydı
    Onun için dünya derdini boşadı
  7. Cândın keçip yaşın saçıp âşık boldı
    Candan geçip, yaşını saçıp âşık oldu;
  8. Rûz-ı mahşer didârını körer ermiş
    Mahşer günü cemalini görür imiş.

  9. Aşıklarnı çın dostığa cânı kurbân
    Aşıkların gerçek dostuna canı kurban;
  10. Şevki birle anı izlep kılur efğân
    Şevki ile onu arayıp eyler feryad
  11. Işk sevdâsı başka tüşse hâne veyran
    Aşk sevdası başa düşse evi viran
  12. Şeydâ bolup anı izlep yürer imiş
    Tutkun olup, onu arayıp yürür imiş.

  13. Aşık bolsang keçe kündüz tınmay yığla
    Aşık olsan, gece gündüz dinmeden ağla;
  14. Pir-i muğan hizmetiğe beling bağla
    Pir-i kamil hizmetine belini bağla;
  15. Küyüp bişib derdi bile köksing dağla
    Yanıp pişip derdi ile göğsünü dağla;
  16. Dağda ketken visâlini körer ermiş
    Dağda giden visalini görür imiş.

  17. Haknı söygen âşıkları taptı murâd
    Hakk’ı seven âşıkları buldu murat;
  18. Yalğan âşık bolup yürme tangla uyat
    Sahte âşık olup yürüme, sabaha ayıp
  19. Kılıçdın tiz, kıl köfrügni atı sırât
    Kılıçtan keskin kıl köprünün adı Sırat;
  20. Yalğan davâ kılğan ötmey kalar ermiş
    Yalan dâva eyleyen geçemeyip kalır imiş.

  21. Aşık bolsang yalğan da'vâ kılma zinhâr
    Aşık olsan, yalan dâva eyleme sakın
  22. Yalğan da'vâ kılğanlardın Hudâ bizâr
    Yalan dâva eyleyenlerden Allah bizâr
  23. Kahhâr İgem kahr eylese atı Kahhâr
    Kahhar Melik'im kahr eylese, adı Kahhar;
  24. Kıyâmet kün yüzi kara kobar ermiş.
    Kıyamet günü yüzü kara kalkar imiş.

  25. Aşıkları keçe yığlab seher kobar
    Aşıkları gece ağlayıp seherde kalkar
  26. Sır şarâbın içken âşık sırnı yapar
    Sır şarabını içen âşık sırrı örter;
  27. Her kim sögse belki tepse kolın öper
    Her kim söğse, belki tepse, elini öper
  28. Andağ erenler feyz ü fütuh alar ermiş
    Öyle erenler feyiz-fetih alır imiş.

  29. Muhabbetdin haber algan cânnı bilmes
    Muhabbetten haber alan canı bilmez;
  30. Başı ketse tâ yârı yok cânnı bilmes
    Başı gitse, yâri olmadıkça canı bilmez;
  31. Işk kelâmı zevk taâmı nânnı bilmes
    Aşk kelâmı, zevk yemeği, ekmeği bilmez;
  32. "Hu-Hu" teyü zikrin aytıp yürer ermiş
    "Hu"-"Hu" diye zikrini söyleyip yürür imiş.

  33. Aşıklarnı közi giryân bağrı biryân
    Aşıkların gözü yaşlı, bağrı yanık;
  34. Pervâsı yok nâmusı yok yürer üryân
    Çekinmesi yok, utanması yok, yürür çıplak
  35. El közige tufrakdın kem sırrı pinhân
    Halk gözünde topraktan değersiz, sırrı gizli
  36. Cânı birle yâdın aytıp yürer ermiş
    Canı ile zikrini söyleyip yürür imiş.

  37. Toğrı yürgen âşıklardın Hudâ râzı
    Doğru yürüyen âşıklardan Allah râzı;
  38. Aşık işi âsân emes kılma bâzî
    Aşık işi kolay değil; eyleme heves
  39. Yalğançılar âşıkmen der Allah kazı
    Yalancılar âşıkım der, Allah hakim
  40. İmânını püçek pulğa satar ermiş
    İmanını değersiz pula satar imiş.

  41. Aşıklıknı âsân işi baş bermeklik
    Aşıklığın kolay işi, baş verme
  42. Mansur-sıfat özdin keçip cân bermeklik
    Mansur gibi kendinden geçip can verme
  43. "Mûtû kable en temûtû" hâk bolmaklık
    "Mutu kabte en temutu" toprak olma
  44. Aşıkları ölmes burun öler ermiş
    Aşıkları ölmeden önce ölür imiş.

  45. Sevda kılsan ahiretni sevdasını
    Sevda eylesen ahiretin sevdasını
  46. Başka alma dünyanı gavgasını
    Başa alma dünyanın kavgasını
  47. Amel kılgıl cennet algıl masivasını
    Amel eyle cennet al masivasını
  48. Cennet algan didarını körer ermiş
    Cennet alan cemalini görür imiş.

  49. Allah nûrı kabring için rûşen kılğay
    Allah nuru kabrinin içini aydın eyleyince
  50. Firdevs cennet güli açılıb gülşen kılğay
    Firdevs cenneti gülü açılıp gülşen eyleyince
  51. Melaikler tigresidin özün koyğay
    Melekler karşısından kendini bırakınca
  52. Bu âlemning rûşeninden keçer ermiş
    Bu alemin aydınlığından geçer imiş

  53. Barça ervâh yığlıb kelgay mübârekga
    Bütün ruhlar toplanıp gelince mübareğe
  54. Meşgul bolğay tebârekgâ
    Meşgul olunca kutluluğa
  55. Duâ kılıb kayıtğandın song kalğay yegâ
    Dua eyleyip döndükten sonra kalınca tek
  56. Cümle ervâh sonub bir bir kaçar ermiş
    Bütün ruhlar dönüp bir bir kaçar imiş

  57. Yetti kadem koyğandın song Münker Nekir
    Yedi adım geldikten sonra Münker-Nekir
  58. Heybet birle kirib kelgey kılıb kahr
    Heybet ile girip gelince eyleyip kahır
  59. İki közi otdek yanıb tarfa yanır
    İki gözü ateş gibi yanıp acaip yanar
  60. Nûrın körüb ta'zim kılıb kaçar ermiş
    Nurunu görüp saygı eyleyip kaçar imiş

  61. Kul Hâce Ahmed âşık bolsang cândın keçgil
    Kul Hoca Ahmed âşık olsan, candan geç
  62. Andın songra şevk şarâbın toya içgil
    Ondan sonra şevk şarabını doyasıya iç
  63. Günâhıngnı sebük kılıp munda uçgil
    Günahını hafif eyleyip burada uç
  64. Aşıkları uçmah içre uçar ermiş
    Aşıkları cennet içinde uçar imiş.

< Keling dos... | Tarikatga ... >